بیڑ کے اراضی پیمائش دفتر کی مکمل جانچ کی جائے — ایس۔ایم۔یوسف، رمیش گنگادھرے* *نائب ضلع کلکٹر رینک کے افسر کی تقرری کرکے شکایات کے ازالے کا سیل قائم کیا جائے*

*بیڑ  کے اراضی پیمائش دفتر کی مکمل جانچ کی جائے — ایس۔ایم۔یوسف، رمیش گنگادھرے*

*نائب ضلع کلکٹر رینک کے افسر کی تقرری کرکے شکایات کے ازالے کا سیل قائم کیا جائے*

بیڑ (نمائندہ) — بیڑ کے اراضی پیمائش دفتر کی مکمل جانچ کرکے قصوروار سپرنٹنڈنٹ، افسران اور ملازمین کے خلاف کارروائی کی جائے۔ اس کے علاوہ ضلع کلکٹر دفتر کی جانب سے اراضی پیمائش دفتر میں شکایات کے ازالے کا ایک خصوصی سیل قائم کرکے نائب ضلع کلکٹر رینک کے افسر کی تقرری کی جائے۔ یہ مطالبات آزاد صحافی ایس۔ایم۔یوسف اور بزرگ سماجی کارکن و صنعت کار رمیش راؤ گنگادھرے نے ضلع کلکٹر کو دیے گئے ایک محضر کے ذریعے کیے ہیں۔

اس سلسلے میں دیے گئے محضر میں کہا گیا ہے کہ گزشتہ چند برسوں سے بیڑ کے اراضی پیمائش سپرنٹنڈنٹ دفتر میں بدانتظامی اور بے قاعدگیوں کی شکایات مسلسل بڑھ رہی ہیں۔ ایک شخص کی زمین کسی دوسرے شخص کے نام منتقل کرنا، اصل مالک کو اس کی خبر تک نہ ہونے دینا، اور اصل مالک کو معلومات ملنے کے بعد اس کی جانب سے کی گئی شکایت پر بھی کوئی کارروائی نہ کرنا، اس طرح کے ناانصافی پر مبنی معاملات میں مسلسل اضافہ ہو رہا ہے۔ اس کے باعث اصل مالکان اور ٹرسٹیوں کو شدید پریشانی کا سامنا کرنا پڑ رہا ہے۔
اصل مالکان کی زمینوں کے علاوہ مندر، مسجد، شمشان گھاٹ اور قبرستان جیسی جگہوں کی انعامی یا جاگیرداری حیثیت نہ رکھنے والی رجسٹرڈ زمینیں بھی اراضی پیمائش دفتر کی بدانتظامی کے باعث لینڈ مافیا اور زمین چوروں کے نام کیے جانے کے واقعات سامنے آ رہے ہیں۔ مندر، مسجد، شمشان گھاٹ اور قبرستان جیسے ٹرسٹ کے نام پر موجود کھلی صحن کی جگہیں بھی ٹرسٹیوں کو کسی پیشگی اطلاع یا آگاہی کے بغیر لینڈ مافیا یا زمین چوروں کے نام کیے جانے کی شکایات مسلسل بڑھ رہی ہیں۔
اراضی پیمائش سپرنٹنڈنٹ دفتر میں “مالک کو دھتورا اور چوروں کو ملائی” والی صورتحال پیدا ہوگئی ہے۔ اس کے نتیجے میں اصل مالکان اور ٹرسٹیوں کو انصاف کے حصول کے لیے مجبوراً عدالت کا دروازہ کھٹکھٹانا پڑ رہا ہے، جہاں دیوانی مقدمات برسوں سے زیرِ التوا ہیں۔ اس وجہ سے اصل مالکان اور ٹرسٹیوں کو بلاوجہ جسمانی و ذہنی اذیت برداشت کرنے کے ساتھ ساتھ بھاری مالی بوجھ بھی اٹھانا پڑ رہا ہے اور انہیں برسوں تک عدالت کے چکر لگانے پڑ رہے ہیں۔
محضر میں مطالبہ کیا گیا ہے کہ ضلع کلکٹر ان تمام معاملات پر خصوصی توجہ دیتے ہوئے بیڑکے اراضی پیمائش سپرنٹنڈنٹ دفتر کی مکمل جانچ کریں اور قصوروار سپرنٹنڈنٹ، افسران اور ملازمین کے خلاف مناسب قانونی کارروائی کریں ۔اس کے علاوہ زمین کے اصل مالکان کے ساتھ ساتھ مندر، مسجد، شمشان گھاٹ اور قبرستان جیسی جگہوں کے ٹرسٹیوں کو پریشانی سے بچانے کے لیے ضلع کلکٹر دفتر کی جانب سے بیڑ کے اراضی پیمائش دفتر میں ایک خصوصی شکایات کے ازالے کا سیل قائم کیا جائے۔ وہاں نائب ضلع کلکٹر رینک کے افسر کی تقرری کی جائے تاکہ اراضی پیمائش دفتر کی جانب سے متعلقہ افراد کے ساتھ کسی قسم کی ناانصافی ہونے کی صورت میں موقع پر ہی فوری طور پر انصاف فراہم کیا جا سکے۔
یہ مطالبہ ایس۔ایم۔یوسف اور رمیش راؤ گنگادھرے نے ضلع کلکٹر کو دیے گئے محضر کے ذریعے کی ہے

👇👇👇👇👇

*S.K.P. Motor Driving School

Nursery road, Beed.

___________________________________________
*सुचना*
शहराच्या मध्यवर्ती भागात गाळ्यांचे भाडे आणि अनामत रक्कम गाळेधारक अव्वाच्या सव्वा सांगत असल्याने लेखन कार्यालय सुरू करण्यास जमत नाहीये. याकरिता पूर्वीप्रमाणेच चालता-फिरता लेखन कार्य करत आहे.
म्हणून लिखाण कार्य करून घ्यायचे असल्यास माझ्या - *9021 02 3121* या भ्रमणध्वनी क्रमांकावरच संपर्क साधावा. - *एस.एम.युसूफ़*