ईद ए मिलादुन्नबी ची भव्य मिरवणूक भक्ती भावाने संपन्न वक्फ बोर्डाचे अध्यक्ष समीर काज़ी यांनी इस्लामिक झेंडा फडकवला

ईद ए मिलादुन्नबी ची भव्य मिरवणूक भक्ती भावाने संपन्न

वक्फ बोर्डाचे अध्यक्ष समीर काज़ी यांनी इस्लामिक झेंडा फडकवला

बीड।एस.एम.न्युज़

दरवर्षीप्रमाणे यावर्षीही दिनांक २६ ऑगस्ट २०२६ रोजी दुपारी १ वाजता, बीडच्या रहिवाशांनी दरगाह हज़रत कोचक शहा उर्फ़ शहिंशाह वली (र.अ.) येथून पैगंबर मुहम्मद (स.अ.स.) यांची भव्य मिरवणूक काढली. बीड शहरातील इतर रस्त्यांवरून जात असताना, महाराष्ट्र राज्य वक्फ बोर्डाचे अध्यक्ष समीर काज़ी यांनी भक्तीभावासह मोठ्या श्रद्धेने या मिरवणुकीत सहभाग घेतला. पैगंबरांवरील भक्तीभाव सिद्ध करत त्यांनी स्वतःच्या हातांनी इस्लामी ध्वज फडकवला. बीड नगरपालिकेचे वरिष्ठ अधिकारीही त्यांच्यासोबत उपस्थित होते. नगरसेवक फारुख पटेल आणि नगर परिषदेचे उपाध्यक्ष विनोद मुळूक यांनीही हिंदू-मुस्लिम एकता दर्शवली. धार्मिक झेंडे फडकवून एकता साधण्यात आली. त्यांच्याशिवाय सर्वमान्य सामाजिक कार्यकर्ते जावेद कुरेशी, एआयएमआयएम पक्षाचे बीड जिल्हाध्यक्ष ॲड. शेख शफीक भाऊ, ज्येष्ठ नेते तथा उद्योजक अब्दुस् सलाम सेठ यांच्यासह बीड शहरातील हजारो नागरिक या मिरवणुकीत सामील झाले आणि त्यांनी पैगंबर हज़रत मुहम्मद (स.अ.स.) यांना वंदन केले. या मिरवणुकीत, पेठ बीड पोलीस ठाणेचे पोलीस निरीक्षक आणि त्यांचे सर्व सहकारी तसेच बीड शहर पोलीस, कोतवालीचे पोलीस निरीक्षक आणि त्यांच्या सर्व सहकाऱ्यांनी व्यवस्थेमध्ये विशेष भूमिका बजावली. शहरात शांतता, सलोखा व सुव्यवस्था राखण्याचा यशस्वी प्रयत्न केला. त्याचप्रमाणे, शहरातील राजकीय आणि सामाजिक कार्यात गुंतलेले हिंदूबांधव या मिरवणुकीत आले. त्यांनीही शुभेच्छा दिल्या. शहरातील विविध रस्त्यांवरून प्रवास करून, ही मिरवणूक हज़रत शहिंशाह वली (र.अ.) यांच्या दरगाह शरीफ़ येथे पोहोचून संपन्न झाली. तत्पूर्वी मिरवणुक जाताना व येताना ज्या-ज्या मार्गावरून गेली त्या-त्या मार्गावर भाविक बांधवांसाठी सरबत, पाणी आणि इतर खाद्यपदार्थांचे वाटप करण्यात आले.

👇👇👇👇👇

*S.K.P. Motor Driving School*

Nursery road, Beed.

___________________________________________

*सुचना*
शहराच्या मध्यवर्ती भागात गाळ्यांचे भाडे आणि अनामत रक्कम गाळेधारक अव्वाच्या सव्वा सांगत असल्याने लेखन कार्यालय सुरू करण्यास जमत नाहीये. याकरिता पूर्वीप्रमाणेच चालता-फिरता लेखन कार्य करत आहे.
म्हणून लिखाण कार्य करून घ्यायचे असल्यास माझ्या - *9021 02 3121* या भ्रमणध्वनी क्रमांकावरच संपर्क साधावा. - *एस.एम.युसूफ़*