आर्किटेक्ट अर्शद शेख यांच्या “हालात बदल सकते हैं!” कार्यक्रमास उत्स्फूर्त प्रतिसाद

आर्किटेक्ट अर्शद शेख यांच्या “हालात बदल सकते हैं!” कार्यक्रमास उत्स्फूर्त प्रतिसाद

सामाजिक मार्गदर्शन कार्यक्रमाने लोणार गाजविले

लोणार (एस.एम.न्युज़) - पीस फाउंडेशनचे संस्थापक अध्यक्ष व उच्चशिक्षित वक्ते आर्किटेक्ट अर्शद शेख यांनी हालात बदल सकते है या प्रभावी मार्गदर्शन कार्यक्रमाने लोणार गाजविले.

जमीयत उलमा ए लोणार यांच्या वतीने आयोजित करण्यात आलेला “हालात बदल सकते हैं” या विषयावरील  कार्यक्रम अत्यंत यशस्वीरीत्या पार पडला. या कार्यक्रमात पीस फाउंडेशनचे संस्थापक अध्यक्ष, उच्चशिक्षित व प्रख्यात सामाजिक मार्गदर्शक आर्किटेक्ट अर्शद शेख यांनी उपस्थितांना सखोल व प्रेरणादायी मार्गदर्शन केले.

हा कार्यक्रम दिनांक १६ जानेवारी २०२६ रोजी, शुक्रवार रोजी नमाज़ ए ईशा नंतर रात्री ८ः३० वाजता मोहम्मदी मशीद, जम-ज़म कॉलनी, लोणार, जि. बुलढाणा येथे पार पडला. यावेळी    बहुसंख्येने विविध क्षेत्रातील नागरिक उपस्थित होते. आपल्या भाषणात आर्किटेक्ट अर्शद शेख यांनी समता, समानता, बंधुप्रेम, भाईचारा व सामाजिक न्याय या मूलभूत मूल्यांवर सखोल मार्गदर्शन केले व आपले अनुभव ही व्यक्त केले. देशाच्या उज्वल भविष्यासाठी सर्वांनी एकत्र येऊन आपापल्या परीने योगदान द्यावे, देशाला समृद्ध बनवण्यासाठी सामाजिक  कार्यात सक्रिय सहभाग घ्यावा, आपल्या समाजाला,  गावाला, शहराला, देशाला व संपूर्ण जगाला आपल्याकडून लाभ व्हावे, या उद्देशाने सर्वांनी नियोजन व कार्य करावे असे आवाहन त्यांनी यावेळी उपस्थित मुस्लिम बांधवांना केले.

कार्यक्रमास परिसरातील उलेमा, सामाजिक कार्यकर्ते, युवक, पोलीस, शिक्षक, विद्यार्थी, अधिकारी, कर्मचारी, राजकीय नेते व नागरिक मोठ्या संख्येने उपस्थित होते. कार्यक्रमाच्या शेवटी जमीयत उलमा ए लोणारचे अध्यक्ष ॲड.हाजी मुहम्मद रिज़वान जड्डा यांनी सर्व उपस्थितांचे तसेच कार्यक्रमाच्या यशस्वी आयोजनासाठी सहकार्य करणाऱ्या सर्वांचे आभार व्यक्त केले. शेवटी सामूहिक दुवा करून कार्यक्रमाची सांगता करण्यात आली.

===========================

*एस.एम.न्युज़ च्या सेवा*

१) *कार्यालयीन निवेदन व बातमी* योग्य दरात लिहून मिळेल.

२) विविध वृत्तपत्रात देण्यासाठी *जाहिरात, जाहीर प्रगटन, नावात बदल* च्या जाहिराती स्वीकारल्या जातील.

३) एस.एम.न्युज़ वेबपोर्टल आणि युट्युब चॅनेलसाठी *जाहिराती* स्वीकारल्या जातील.

४) *लेखकांनी* लिहिलेल्या *पुस्तकांचे* प्रकाशन पूर्व *करेक्शन* करून दिले जाईल.

*एस.एम.युसूफ़* (मुक्तपत्रकार) 

आसेफ़नगर, बीड.

संपर्क - *9021 02 3121*

*लिखाण काम स्विकारण्याचे वेळापत्रक*

दर शुक्रवारी - सकाळी १०:०० ते रात्री १०:०० पर्यंत

शनिवार ते गुरुवार - सकाळी ०८:०० ते १०:०० व रात्री १०:०० ते ११:०० पर्यंत

*कृपया बदललेल्या वेळापत्रकाची नोंद घ्यावी*